Kreashon

Dios a traha un mundu bunita pa nos.

Promé, Dios a traha lus. I E la yama e lus “dia”. E la traha e dia i anochi. E siguiente dia Dios a traha e shelu blou bunita ku e nubianan i bientu.

Riba e di tres dia Dios a traha e tera. Dios a traha e yerba bèrdè suave asina. Tambe E la traha e flornan bunita. Dios a traha e palunan haltu tambe. “Awor e tera ta mas bunita!, Dios a bisa. E tabata kontentu.

Riba e di kuater dia, Dios a traha e solo briante. Nos ta mira e solo durante dia. Dios a traha e luna rondo. Tambe E la krea e streanan  ku nos por mira anochi. E la pone nan den shelu.

E siguiente dia, dia sinku, Dios a yena e laman ku piská. Despues Dios a yena e shelu ku paranan di diferente koló. E la duna e paranan e manera pa saka kantikanan bunita ora nan fluit. Dios a mira ku tur kos ku E la traha, I E la bisa “Tur kos ta bon.”

Riba e di seis dia Dios a krea e bestianan. E la traha e girafnan grandi asina, e la traha kabainan, kachonan I hopi mas. Dios a wak e bestianan ku E la traha, I E la bisa “esaki ta bon.” I Dios a krea e parti mas spesial di e mundu. E la krea hende. E la kue lodo (tera) i a traha hende kun’é. E hòmber tabatin pianan fuerte i e tabatin un sonrisa riba su kara. I E la supla rosea den e hòmber su nanishi. E hòmber a habri su wowonan. E tabata binu! Dios a yama e hòmber Adam. E ora ei Dios a pone Adam drumi un soño profundo i a saka un di su repchinan i a traha un kasá i amiga pa Adam. Su number tabata Eva.

Riba e di shete dia, Dios a mira ku tur loke e la traha tabata hopi bon. Asina Dios a sosegá di Su trabou. E la bisa: “Esaki ta un dia spesial. E ta un dia pa sosegá.”

I asina Dios a traha e dia di Sabat, un dia spesial pa nos pasa ku n’é. Dios a traha nos mundu pasobra e ta stima nos.